上星期同老婆檢查係我等2次見到你,呢次同第1次個感覺好唔同,第1 次見你既感覺係好開心,開心既係你既出現,第2次見到你既感覺都係開心,開心既係我見證到你由一粒米咁細到e家有7cm左右大,呢個係開心係見到你成長,唔知下次見到你係開心d咩呢?
第一個面容!
擒日係第3次去私家醫生到檢查，醫生CHECK晒你嘅頭圍，肚圍同埋大脾圍都好正常呀..你而家已經有差唔多14週喇，希望你繼續健康咁成長!!
呢次檢查見到你嘅五官已經成左形喇…HEHE..好開心呀..醫生仲比左張有你個樣嘅相我! 雖然仲未知你係女仔定男仔，但都已經好開心喇…! 其實只要你健康成長，仔女都係我同老公嘅最愛…..!!! 期待10月9日的檢查…到時又可以見到你嘅一舉一動喇!!
第一次!
今日去醫院做唐氏綜合症檢查，好開心一切正常，感謝主! 等埋30號嘅驗血報告我就更加放心喇!
今日最開心嘅就係姑娘比我睇BB嘅時候，BB都好似好開心咁，對手就好似打拳咁，對腳就係咁踢，連姑娘都話佢反斗呀，今次係我第一次見到”你”郁呀，雖然我感覺唔到你郁，但見到都真係開心到形容唔到喇! 如果老公都見到就好喇，不過我知老公呢排做野都好辛苦喇，日日都做到好晏先返屋企，休息嘅時間都無! 希望11號去私家醫生到檢查老公會有時間去啦!
姑娘今日話BB而家有5點幾CM長，頸皮係1.8幾,都係正常，而家有11週+4日，今日照唔到BB係男定女，因為BB對腳夾住咗呀..HAHA…期待11號去私家到再見到BB!
有心人
今朝一返工估唔到喺輕鐵有個男人讓位比我座呀…今次係第一次有人讓位比我呀…其實個肚而家都唔係好大…可能食完早餐脹左少少,但估唔到都有人發覺我係大肚婆..HAHA..真係好開心呀..
開心係因為BB真係大咗喇，聽朝一早就去醫院檢查，又可以見到BB喇!!!
身痕!
由上星期開始身體起左少少變化…就係由鎖骨到個肚都出現好多乾紋,少少甩皮同成身都好痕…好辛苦! 已經早晚搽BABY OIL都止唔到…最後都係去買咗一支專防止妊娠紋嘅精華油，搽咗2日好咗少少..但有時瞓瞓下都會痕醒，忍唔住R到周身損…>.<…真係好辛苦..搞到瞓得唔好! 希望搽多幾日會好D!! 後日就去醫院驗唐氏綜合症度頸皮喇，又可以見到你喇…乖BB…希望你度頸皮個RESULT可以PASS啦…!!
結婚一週年
今日同老公去左一間出名嘅餐廳食飯慶祝…但一D都唔好食，真係有D失望呀，不過我地都好開心，因為今年多咗個”小生命”陪我地一齊食..HAHA!
呢一年真係過得好快呀，我同老公都覺得呢一年好開心，生活上平淡中偶爾帶點特別…^^! 好多事都喺我地嘅計劃之內成功實現咗，例如去旅行同增添多一位家庭成員^^..真係感恩! 雖然BB 仲未算穩定，但我會盡力去保護佢，希望一切順利! 宜家每晚瞓覺前都會睇一篇聖經故事，同BB一齊祈禱，希望主耶穌帶比BB有一個健康嘅身體! 呢2個月，老公返夜嘅時候，我一D都唔覺得悶喇..因為有多個人陪我…好有安全感!
順利的話…出年的週年紀念日就係3人慶祝喇…期待!!!
一周年!
唔知係咪開心既關係.呢年過得特別快,發生左好多開心既事,例如:朋友方面,亞峰生左個仔啦,細剛就黎做消防隊長啦,亞讚有女朋友啦,同老婆就更加開心,又去左馬爾代夫玩,又呢到去O個到去,又帶我食好o野,上個月你仲送左份禮物比我(就係你),我好其待你既出現,早2個禮拜當我見到你既時候,其實我真係好開心,見到一個生命慢慢誕生,慢慢成長,你要健健康康呀,唔好要媽咪咁辛苦呀.我雖然冇咩野送比你,但我會比心機努力儲錢比你同BB用..希望老婆唔好介意啦!!
回想係一年前既呢一個時間,真係好多片段o係個腦入面浮出黎,依家準備去接新娘喇..哈哈,我估下一年呢個時間我可能”為”緊奶..其待!
形!!
擒日去咗私家醫生到檢查，又見到BB喇..今次我轉咗去睇阿蕙介紹嗰個醫生，呢個醫生真係幾好，解釋得好清楚。
估唔到今次已經可以見到BB個頭,手同腳喇..仲可以聽到佢D心跳聲，D心跳聲勁快呀…醫生話一分鐘有百幾下心跳係正常嘅! 醫生仲比我地聽咗2次BB個心跳聲…我,老公同契媽都好開心呀..! 預產期係3月16日…唔知到時會唔會同浩賢一日生日呢…!!
見到BB成咗形真係好感動..當時真係有D想喊，呢D都係太開心嘅反應!! 我都睇得出老公好開心..佢係第一次見到BB呀，佢話佢當時好緊張又好開心…哈哈…都唔知有乜野咁緊張!
希望9月1 日去醫院檢唐氏綜合症會順利啦…交給主!!
“心”動!
今日係上次入完醫院之後第一次檢查，好開心終於見到BB個心喇，同埋問咗醫生原來個肚會有D痛係正常嘅，只要唔係好痛就無事。成個人輕鬆晒!
見到BB個心跳真係覺得好感動，呢2個禮拜以來一直想見到嘅嘢終於都見到喇…見到BB個心好細粒閃閃下咁…個胎亦比之前睇嘅大咗D，因為除咗個心之外仲有一個營養囊喺入面。雖然今次無得拎走D相，但喺個電視見到BB都已經好開心喇…感謝主!
醫生估計而家BB有8週大，預產期就估計係3月中，等BB 到10週之後再CHECK預產期就會準少少。
而家期待下個星期四去睇私家醫生，到時就知預產期同埋可以拎走BB D 相喇^^!!
上班了
休息咗2日今日試下返工…點知一返工原來係咁辛苦，因為夏天，搭車D人好臭，我一上車又即刻有想嘔嘅感覺，上到西鐵例牌無位坐，一路企一路想暈又想嘔，好辛苦! 捱到返公司個個同事都話我面青口唇白，好病咁!
因為要向同事掩飾我有咗BB，我唯有話自己仲有少少唔舒服喇….!! 估唔到今日作嘔作悶作暈一齊嚟…好辛苦但值得!!! 我要加油…!!